1. Es Dörfli zwüschet Aaren und Geissbärg
zellt sich zum Bruggerbiet.
Mit Acherland und Rääben am Hang,
e Landgmeind voll zfredni Lüüt..

Refrain: Und iich be doo deheimen und gschpüüre
d’ Wärmi wo dinne liit.
Und doo ben iich deheime und gschpüüre
d’ Wärmi, wo dinne liit.

2. I breite, starche Hüüser mit höche
Firscht wohnt e gsunde Schlag,
wo treu im Tagwärch iistoht mit Fliiss und
Uusduur und ohni Chlag.

Refrain: Und iich be doo deheimen und gschpüüre
d’ Wärmi wo dinne liit.
Und doo ben iich deheime und gschpüüre
d’ Wärmi, wo dinne liit.

3. Der Stross noo singe d’Brünne-n-am alte
Lied, wo vell Strophe hett.
Zum Feschttag rüschtet s Dörfli, wenn’s uf der
Burg obe d Fahne gseht.

Refrain: Und iich be doo deheimen und gschpüüre
d’ Wärmi wo dinne liit.
Und doo ben iich deheime und gschpüüre
d’ Wärmi, wo dinne liit.

4. Göhnd, suechet i der Rundi es gfreuters
Plätzli, ihr findet keis;
s wiit Fäld und d Egg und d Erschti, en
Kometbach, das gitts nur bi eus.

Refrain: Und iich be doo deheimen und gschpüüre
d’Wärmi wo dinne liit.
Und doo ben iich deheime und gschpüüre
d Wärmi, wo dinne liit.

 

Das Lied mit Noten und Text zum Ausdruck herunterladen.

Während 41 Jahren unterrichtete Walter Hegnauer an der Schule Villigen. Neben vielen anderen Tätigkeiten  schrieb er Gedichte und komponierte zahlreiche Soldatenlieder. Aber nicht nur Soldatenlieder, nein, er hat auch "s'Villiger Lied" geschrieben.

Für alle seine Einsätze zugunsten der Öffentlichkeit schenkte ihm die Gemeinde Villigen das Ehrenbürgerrecht.

An der Eröffnungsfeier dieser Homepage vom 3. März 2006 wurde das von den Schülern gesungene „Villiger Lied“ aufgenommen.

Villigerlied (mp3)